ПОТВРДЕНО: Кумановски „Рапид Билд“ ќе го гради гасоводот до Грција

Европската инвестициска банка му потврди на националниот оператор на системот за пренос на гас „Номагас“ дека се согласува со понудата поднесена од кумановската компанија „Рапид Билд“ за изградба на гасоводот во Македонија до границата со Грција.

Македонската страна ја прифати понудата на оваа компанија како најповолна уште во ноември лани, но се чекаше одобрување од ЕИб како кредитор на проектот. Писмото со одобрување пристигнало во текот на минатата недела.

Во наредните две недлеи треба да биде потпишан договорот со „Рапид Билд“, по што компанијата за брзо време треба да се фати со работа на терен. Грчката страна од гасоводот веќе одамна е започната со изградба.

Вкупната инвестиција е околу 60 милиони евра. Интерконекторот од грчка страна е речиси готов. Тој е со должина од 123 километри, а македонскиот дел 67 километри и е од Гевгелија до Неготино. Ваквото поврзување со јужниот сосед треба да обезбеди гас од повеќе извори. Во моментов прекуграничната врска е само преку Бугарија.