ПОТРОШУВАЧКАТА СЕ НАМАЛИ: Европска земја влезе во рецесија
Австрија влезе во рецесија. Намалувањето на БДП два последователни квартали укажува на рецесија.
Австриската економија влезе во рецесија во третиот квартал поради намалената потрошувачка на домаќинствата и државата. Податокот е наведен во проценката на економскиот институт WIFO. Бруто домашниот производ е намален за 0,6 отсто во периодот од јули до септември во однос на претходните три месеци кога падна за 0,8 отсто.
Потрошувачката на домаќинствата падна во третиот квартал за 1,0 отсто, трипати посилно отколку во периодот од април до јуни, откри WIFO. Намалени се и државните трошоци, за 1,3 отсто, со што се промени трендот од претходните три месеци кога се зголемија за 1,5 отсто. Падот на бруто инвестициите во фиксен капитал е многу поблаг и изнесува 0,4 отсто. Во периодот од април до јуни инвестициите се намалени за 2,4 отсто, пренесува СЕЕбиз.Извозот е зголемен за 2,4 отсто, а во пролетниот квартал е забележан ист процентен пад. Зголемен е и увозот, за 2,5 отсто, по падот од 1,0 отсто во претходните три месеци. На годишно ниво БДП се намали за 1,2 отсто, скоро со исто темпо како и во претходните три месеци.
Германската економија годинава падна во рецесија. Поради инфлацијата се намали потрошувачката.
foto freepik.com/copperpipe
