ПОТРЕСНИ ФОТОГРАФИИ 10 МЕСЕЦИ ПО ТРАГЕДИЈАТА ВО „ПУЛС“: Лузните сè уште болат – итно се потребни креми за повредените
Поминаа речиси 10 месеци од кобниот 16 март 2025 година, кога пожарот во дискотеката во Кочани засекогаш промени многу животи. Додека јавноста полека заборава, за жртвите борбата сè уште трае. Објавените фотографии од нивните повреди денес сведочат дека битката за заздравување е далеку од завршена.
На фотографиите кои беа споделени со јавноста се гледаат длабоки лузни и последици од изгорениците на рацете и телото, кои бараат континуирана и скапа медицинска нега.
Семејствата и повредените апелираат за помош во набавка на специфични медицински средства кои се клучни за третман на лузните и рехабилитација на кожата.
Се бараат донации во вид на:
Овие медицински помагала се неопходни за да се спречи формирање на келоиди, да се намали чешањето и болката, и да се подобри еластичноста на оштетената кожа. Со оглед на тоа што третманот трае долго, количините што им се потребни се големи и финансиски исцрпувачки за семејствата.
„Ова се кремите и лепенките што се потребни!“, гласи апелот испратен заедно со фотографиите од медицинските средства.
Се повикуваат сите хумани граѓани, аптеки и компании кои се во можност да донираат од овие препарати, да излезат во пресрет. Лузните на овие млади луѓе се потсетник дека трагедијата во Кочани не заврши кога изгасна пожарот – таа продолжува секој ден преку нивната болка и борба за нормален живот.
Да покажеме дека не сме ги заборавиле!
