Потоп во Преспа и Битолско: Над 50 куќи под вода во Ресен, Драгор се брани со насипи, а во Прилеп се сруши таван
Последиците од обилните дождови кои ја зафатија Македонија стануваат сè повидливи и посериозни. Регионалните центри за управување со кризи (РЦУК) до 08:00 часот утрово регистрираа критична состојба во југозападниот дел на земјата. Најтешко е погоден Ресенскиот регион каде се поплавени над 50 објекти, а во Битолско целата механизација е на терен за да се спречи излевање на реката Драгор.
Според збирните информации, ситуацијата налага итна интервенција, при што се ангажирани екипи на јавните претпријатија, противпожарните служби и приватни фирми.
Во Општина Ресен, обилните врнежи предизвикаа излевање на реките Болнска и Источка. Водата навлезе во селата Царев Двор и Дрмени, предизвикувајќи огромни материјални штети.
ВАЖНО ПРЕДУПРЕДУВАЊЕ: Јавното комунално претпријатие „Пролетер“ извести дека квалитетот на водата е нарушен и истата привремено не се препорачува за пиење.
Општина Битола се соочува со висок водостој на реките и проблеми во подпелистерските села. Екипите на јавните претпријатија работат во Нижеполе, Дихово, Цапари, Породин, Жабени, Лажец, Меџитлија, Острец, Граешница и Кишава.
Преземени се следниве итни мерки:
Нивото на реката Црна во 15:30 часот (претходниот ден) изнесувало 2,7 метри, а целата механизација останува на терен.
Временските неприлики предизвикаа опасност и во другите општини во Пелагонија:
