Постои врска помеѓу терористичките акти и имиграцијата, рече Орбан по неговото пристигнување на состанокот на европските лидери во Брисел.

Унгарскиот премиер Виктор Орбан изјави денеска дека гледа „многу јасна поврзаност меѓу терористичките акти и имиграцијата“, пренесе Франс прес.

Орбан ова го изјави по пристигнувањето на средбата на лидерите на земјите од Европската унија во Брисел.

„Навистина се надевам дека повеќе луѓе во Брисел ќе видат дека постои многу јасна врска меѓу терористичките акти и имиграцијата. Оние кои ја поддржуваат имиграцијата го поддржуваат и тероризмот“, рече унгарскиот националистички лидер, кој се противи на реформите на ЕУ за бегалците.

По пристигнувањето на состанокот во Брисел, Орбан исто така рече дека е горд на фактот што ја зачувал комуникацијата на Унгарија со Русија и покрај војната во Украина, пренесе Франс прес.

„Ги држиме отворени сите канали за комуникација со Русија. Ако не, нема шанси за мир. Станува збор за стратегија. Ние сме горди на тоа“, рече Орбан, кој се сретна со рускиот претседател Владимир Путин во Кина на 17 октомври.

„Ние (Унгарија) сме единствените кои зборуваме за и за мир, што е во интерес на сите во Европа“, додаде унгарскиот лидер.