ПОСЛЕДНИОТ СОСТАНОК СО ГРУЕВСКИ МИ БЕШЕ ЗА НАМАЛУВАЊЕ НА БУЏЕТОТ, НО ТИЕ НЕМАА НАМЕРА – Велија Рамковски во Бизнис муабети открива која била неговата главна битка
„Се борев за буџетот“, вели Велија Рамковски во најновиот поткаст Бизнис Муабети на Фактор, кој го емитувавме во петокот и кој целосно е достапен на нашиот канал.
Тој вели дека најголемата грешка сега во државава е што никој не зборува за Буџетот, а таму состојбата е најлоша, државата е во најлоша позиција досега.
„И пак нема борба за Буџетот. Замислете. Има за поединечни случки, на овој или оној. За некоја зграда што се изградила, за некои ситни сумички, во споредба со 3,5 милијарди евра, кои не се доволни, па мора да се земе и кредит за да се дополни до 5,5 милијарди, и буџетот никогаш не е главна тема“, вели Рамковски.
„Мислам дека последниот разговор со Груевски беше август, кога, како што тој велеше, ајде да ја спуштам топката.
На состанокот бевме јас, Младен, Додевска, а од другата страна беа Груевски, Протуѓер и Ставрески. Пак зборувавме за буџетот, но тие воопшто, нема трага од намалување на буџетот.
„Така ли“, си тргнав јас по своето.
И?, прашува Мишко Иванов.
А Рамковски одговара – „И затвор“.
Погледнете го целиот поткаст
