ПОСКАПЕ КАКАОТО: Се зголеми и цената на чоколадите во повеќе земји

Kaкаото и чоколадото поскапеле. 

Потрошувачката цена на какаото и чоколадото во прав во Европската Унија(ЕУ) во мај била за 6,3 отсто повисока отколку во истиот период минатата година, објави денеска Евростат. Заводот за статистика на ЕУ наведува дека цените на овие два производа растат од почетокот на 2022 година, а значително зголемување е забележано во последниот квартал од таа година, со годишна стапка на инфлација од повеќе од 10 отсто. 

Повеќето држави од ЕУ во мај 2024 година пријавиле зголемување на годишната стапка на инфлација на какаото и чоколадото во прав, а најголем раст во споредба со мај 2023 година има во Естонија (17,4 отсто), Хрватска (15,5 отсто) и  во Австрија (12 отсто). Две земји забележаа намалување на стапката на инфлација за наведените производи – Словачка (за 6,3 отсто) и Кипар (0,3 отсто). Поскапувањето се очекуваше поради ниските приноси на какаото во Африка. 

foto freepik.com