ПОСЕТА НА АКРОПОЛ ЗА 5.000 ЕВРА: Турата со водич трае два часа

Грчкото Министерство за култура започна приватна обиколка со
водич низ античкото светилиште на Акропол по цена од 5.000 евра.

Првите туристи кои ја користеле оваа услуга биле двојка од
Русија во саботата на 29 јуни, пренесува Ројтерс.

Оваа услуга ќе биде достапна од 1 април до 31 октомври,
секој вторник, петок и сабота, од седум до девет наутро и од 20 до 22 часот.

Во периодот на турата се дозволени четири групи од по пет
лица, а од 9 јули се достапни тури со самостојно водство, додека од август ќе се
нудат тури на седум јазици.

Во меѓувреме, Централниот археолошки совет го разгледува
предлогот за приватни вечерни обиколки на новоотворениот Музеј на модерната
грчка култура во Монастираки, а овие тури би чинеле околу 1.000 евра и би се
организирале во две групи.

фото: EPA