Поранешниот потпретседател на Трамп се кандидира за претседател на САД
Поранешниот американски потпретседател Мајк Пенс влегува во трката за републиканска претседателска номинација во 2024 година, се вели во денешното барање до Федералната изборна комисија (FEC).
Пенс (63) ќе ја започне кампањата во Ајова во среда, изјавија три извори за Ројтерс минатата недела.
Тој се дистанцира од Трамп
Пенс ќе се спротивстави на Доналд Трамп, кому некогаш лојално му служеше, но одби да го поддржи кога поранешниот претседател се обиде да ги поништи резултатите од изборите во 2020 година.
Поранешниот конгресмен и поранешен гувернер на Индијана има силни конзервативни ставови за социјалните прашања, а се повеќе се дистанцира од Трамп.
Тој рече дека поранешниот претседател ги охрабрил бунтовниците кои го нападнаа Капитол на 6 јануари 2021 година и ги ставија во опасност него и неговото семејство.
Голем број на кандидати
Пенс им се придружува на се поголемиот број републикански кандидати, вклучувајќи ги Трамп, гувернерот на Флорида, Рон ДеСантис, поранешниот гувернер на Њу Џерси, Крис Кристи, сенаторот Тим Скот и поранешната гувернерка на Јужна Каролина, Ники Хејли.
Гувернерот на Северна Дакота, Даг Бургум, исто така, планира да влезе во трката во среда, според лице запознаено со плановите на Бургум.
Големиот број кандидати ги загрижува многу ривали на Трамп во Републиканската партија, кои стравуваат дека гласовите против Трамп би можеле да се расфрлаат.
