Поранешната ракометарка Валентина Радуловиќ осомничена за корупција при издавање лични документи
Министерството за внатрешни работи соопшти дека четири лица се осомничени за вмешаност во корупциска шема поврзана со издавање лични документи. Меѓу нив се и поранешна македонска ракометна репрезентативка Валентина Радуловиќ, двајца полицајци и еден пожарникар.
Според истрагата, осомничените во периодот од февруари до април 2024 година посредувале за забрзано добивање на лични карти, пасоши и возачки дозволи, за што наводно примале паричен надомест од граѓани кои сакале да ја заобиколат редовната административна процедура.
МВР наведува дека секој од осомничените имал определена улога во олеснувањето на постапките, а активностите се предмет на истрага за противзаконско посредување и злоупотреба на службената положба.
Поранешната ракометарка, која има богата спортска кариера со над 220 настапи и 813 голови за македонската репрезентација, се соочува со обвиненија кои ја поврзуваат со овој случај.
