Поранешен ПУИК продава станови во Центар, ги има и за 60-тина илјади евра
Акционерското друштво за изградба и стопанисување со станбен и деловен простор, познато како ПУИГ, ги стави на продажба со усно позитивно јавно наддавање преостанатите 45 стана од комерцијалната зграда што ја изгради на Јужен булевар во скопски Центар на градската четврт „Даре Џамбаз“
Од огласот што е објавен денеска, може да се забележи дека почетната цена е 1.450 евра по метар квадратен, а има станови кои почетно чинат околу 60-тина илјади евра.
Зградата има 112 станови и два влеза, а првата лицитација се одржа на 2 февруари кога беа понудени и продадени 70 станови.
Просечната цена од 1.450 евра, достигна 1.672 евра. Изградбата на оваа комерцијална зграда е предвидена во годишната програма на Владата за изградба, продажба и одржување, а предвидениот рок за нејзино завршување е 3 години.
