Поранешен пациент избодел до смрт лекар на клиника: Хорор во Германија

Лекарот (64) е убиен во клиниката во Васербург ам Ин, во баварскиот кварт Розенхајм, а за убиството е осомничен маж (40) кој е негов поранешен пациент.

Полицијата го уапсила осомничениот по инцидентот што се случил во понеделникот вечерта.

Според информациите до кои дојде германски Билд, лекарот бил избоден до смрт од поранешен пациент.

Медицинскиот персонал се обидел да му пружи прва помош на лекарот, но тој починал од повредите.

Полициската патрола по немилиот настан случајно поминала во близина на клиниката и го забележала осомничениот со траги од крв.

Полицајците веднаш пристапиле кон апсење на осомничениот.

Според полицијата, осомничениот маж од северна Германија бил уапсен без отпор. Тој бил примен на клиника во областа Минхен и, според полицијата, сега е под постојан надзор.

Кујнскиот нож, за кој се претпоставува дека е оружјето со кое е убиен лекарот, полицијата го пронашла и одзела.

Ангажирани се екипи за интервенција во кризи кои ќе ги згрижуваат роднините и колегите на лекарите.