Поради Рамштајн цените за сместување во Белград отидоа до небо! Ноќевање на некои места достигнува и до 80 000 динари, ден по концертот истите едвај се 5000

„Жабата видела дека го коваат коњот, па и таа ја кренала ногата“, е идеална народна поговорка која ја опишува ситуацијата што во моментов се случува со изнајмувањето сместување за време на концертот на Рамштајн во Белград, пишува бизнис телеграф. Имено, цените за ноќевање одат над 80.000 динари, а само еден ден по концертите (24 и 25 мај) киријата на стан е едвај 5.000 динари.

Имено, ова веќе го истакнаа многу корисници на социјалните мрежи, па и нас не интересираше каква е состојбата, наведува погоре споменатиот медиум. На пример, ноќевање во стан на Звездара е 45.000 динари, на Вождовац 15.000 повеќе, додека на Стари град е 70.000 динари.

Да речеме, во Теразије е 77.000 динари, а интересно е што само еден ден по концертот истиот стан е 4.600 динари!

Колкава е алчноста на поединечните станоиздавачи најдобро говори коментарот на еден млад човек на социјалната мрежа Редит, кој сподели со другите корисници дека сопственикот побарал од него да го откаже закупот и да испрати на Booking како изговор дека „станот се запали“ за да може да го продаде по повисока цена.

– Ова никогаш не се случило, ова што се случува во Белград во последните години ги вџашува сите оние кои живеат тука и мораат да издаваат, а камоли оние кои се родени во овој град. Многу ми е жал за сите што доаѓаат на концертот, а не се од Белград и мораат да преноќат – гласи еден од коментарите.

Како да ги зафркнете алчните сопственици?

Кој вели дека треба да изнајмите стан во Белград? На пример, цената на ноќевање во Нови Сад е до 5.000 динари, а до Нов Белград можете да стигнете за половина час со воз.

Единствениот недостаток е тоа што првото утринско тргнување е во 5:19 часот. Меѓутоа, ако доаѓате со автомобил, тогаш го немате тој проблем.

Исто така, обожавателите на германскиот бенд кои доаѓаат сами на концертот веќе се договараат да најдат цимери со кои ќе ја поделат „алчната“ сума, па можеби и тоа не е лоша опција.

Извор: бизнис телеграф

foto: wikipedia