ПОРАДИ НАМАЛУВАЊЕТО НА ЦЕНИТЕ НА ЕНЕРГЕНСИТЕ: Моќниот британски нафтен гигант бележи помал годишен профит
Нафтениот и гасен гигант „Шел“ го објави годишниот извештај, при што се забележува дека минатата година компанијата имала помал годишен профит што се должи на намалувањето на цените на енергенсите минатата година.
Иако компанијата забележа помал профит во 2023 година, сепак, тој воопшто не е за потценување.
Нивниот профитот минатата година достигнал високи 28,2 милијарди долари, што е намалување во споредба со 39,9 милијарди долари во 2022 година (највисока заработка на компанијата во нејзината 115-годишна историја).
Енергетските компании остварија рекордни профити во 2022 година како последица на растот на цените на нафтата и гасот по руската инвазија на Украина, поттикнувајќи ги стравувањата за снабдување, пишува Би-Би-Си. Иако сметките за домаќинствата се намалени во споредба со 2022 година, сè уште се на високо ниво.
Шел рече дека нејзиниот профит за изминатата година е резултат на пониските цени на нафтата и бензинот, како и помалиот обем на тргување и пониските маржи за рафинирање, процес со кој суровата нафта, како суровина извлечена од земјата, се претвора во производ како што е дизелот.
Исто така, британската мултинационална компанија додава дека во 2023 година ќе има поголема трговија со течен природен гас (LNG). Имено, многу европски земји се свртеа кон ЛНГ како алтернативен извор на енергија, откако Русија ја прекина испораката на природен гас во Европа.
Како резултат на тоа, британската компанија забележа добивка од 7,3 милијарди долари во последните три месеци од 2023 година, што ги надмина очекувањата на аналитичарите, но сепак беше намалена од рекордните 9,8 милијарди долари во истиот период претходната година. “
– Како што влегуваме во 2024 година, продолжуваме да ја поедноставуваме нашата организација, со фокус на испорака на поголема вредност, со помалку емисии – рече Ваел Саван, извршен директор на Шел.
Oil and gas giant Shell has reported lower annual profits due to energy prices falling last year.
Profits were $28.2bn (£22.3bn) in 2023, down from $39.9bn in 2022 which was the company’s highest earnings in its 115-year history.#smart24tvnow pic.twitter.com/HrOz79l04P— Smart24 Television (@Smart24TVnow) February 1, 2024
Сè на сè, цените на енергијата се значително повисоки за домаќинствата и бизнисите во последниве години, наведува Би-Би-Си понатаму. Сметките прво почнаа да растат по завршувањето на заклучувањето, но пораснаа во март 2022 година, откако избувнувањето на војната во Украина доведе до зголемена побарувачка поради загриженоста за снабдувањето.
Цената на суровата нафта „брент“ достигна речиси 128 долари за барел по инвазијата, но оттогаш падна на околу 80 долари. Цените на бензинот исто така пораснаа, но беа намалени од највисоките нивоа.
Порастот на цените во 2022 година предизвика огромни профити на сите енергетски компании, вклучувајќи ги Шел и БП.
Како одговор, британската влада воведе неочекуван данок – наречен данок на енергетски профит. Шел, во меѓувреме, потврди дека платил 802 милиони долари корпоративен данок во Обединетото Кралство за 2022 година, но одби да ја коментира цифрата платена за минатата година.
Портпаролката на компанијата рече дека платиле 1,5 милијарди долари вкупен данок во Обединетото Кралство за 2023 година. Бројката за неочекувани даноци веројатно ќе биде помала поради падот на профитот на Шел, додаде Би-Би-Си.