Полска и Унгарија би можеле да ја блокираат декларацијата на самитот на ЕУ
Миграцијата се заканува уште еднаш да го засени самитот на лидерите на ЕУ, откако унгарскиот премиер Виктор Орбан изјави дека неговата земја е „силувана“ од други земји-членки на ЕУ, пишува Гардијан.
Овој израз не е невообичаен за популистичкиот лидер кој заедно со Полска често се обидува да ја блокира политиката на ЕУ.
Иако земјите-членки на ЕУ веќе договорија два круга на закони за миграција, еден во јуни и вториот во среда, Орбан ја доведе во прашање нивната легитимност, инсистирајќи дека одлуките мора да бидат едногласни.
„Нема договор за имиграцијата бидејќи претходно одлучивме дека миграцијата ќе биде регулирана врз основа на едностран договор, кој беше променет [на] последната средба. Полска и Унгарија [не беа] задоволни со предлогот, но тие… го протуркаа предлогот, па Унгарија и Полска беа целосно изоставени од него. Значи, после ова, нема шанси за некаков компромис и договор за миграцијата“, рече тој.
Тој изјави дека е политички „невозможно“ да се постигне договор за миграцијата за наредните години.
„Законски бевме, како да кажам, бевме силувани. Значи, ако ве силуваат, законски, принудени да прифатите нешто што не ви се допаѓа, како би сакале да имате компромис и договор? Тоа е невозможно“, рече тој.
Висок полски функционер за Гардијан изјавил дека верува оти Полска и Унгарија ќе го блокираат прогласувањето на самитот во Гранада, токму поради прашањето за миграцијата.
