Половина Македонија се разбуди без струја!
Утрово половина Македонија се разбуди без електрична енергија.
Наводно струја снемало околу 5 часот сабајле кога Скопје, но и Кочани, Прилеп, Скопје, Гевгелија, Штип, Куманово останале во мрак.
Засега не е познато која е причината за прекинот и дали станува збор за дефект од големи размери.
Неофицијалните информации велат дека станува збор за голем дефект, и дека проблемот е системски.
Граѓаните на социјалните мрежи го искажуваат своето незадоволство.
Утрово се огласија и од АД Мепсо каде велат дека сошло до дефект и краткотраен испад на 110 kV преносна мрежа.
„Причина за овој прекин се високите напони на 400 kV мрежа во целиот регион, што го афектираше нашиот систем и го предизвика краткотрајниот испад на енергетските трансформатори 400 /110 kV во трансформаторски станици. Станува збор за реигонален и европски проблем со кои се соочуваат речиси сите преносни систем оператори поради нискиот транзит и конзум на електрична енергија во текот на ноќните часови и викендите во овој период од годината. Од настанување на испадот, екипите на АД МЕПСО експресно реагираа и за околу еден час по прекинот, нормализирано е напојувањето со електрична енергија во државата.
Екипите на АД МЕПСО продолжуваат да работат на целосно нормализирање на стабилноста на електроенергетскиот систем. Дополнително, вреди да се истакне дека систематично преку реализација на новите инвестиции во тесна соработка со соседните преносни систем оператори, се придонесува за зајакнување на стабилноста на системот, кој во минатото беше сериозно запоставен и неадекватно одржуван. АД МЕПСО и понатаму будно ја следи состојбата и се врши координација со преносните системи во регионот со цел да се обезбеди стабилност во системот и безбедност на корисниците со напојување со електрична енергија“, велат од Мепсо.
