Полициска акција во Студеничани: Мигранти држени во подрум, седум лица приведени

Попладнево во скопското Студеничани се случила вистинска драма.

Преку електронска порака на мејл мигранти побарале помош од Основното јавно обвинителство, бидејќи биле држени во подрумски простории од страна на криминална група со закани со оружје.

Полицијата веднаш реагирала. Испратени се интервентни екипи од СВР Скопје и од единицата Тигар.

Направен бил преглед на двата посочени објекта и при преглед на вториот објект во подрумот на куќата се пронајдени 6 мигранти. Приведени се 7 македонски државјани, кои во моментот биле во објектот, за кои дополнително ќе се врши проверка за нивната инволвираност во криминалните активности.

Од страна на службите се преземаат мерки за целосно расчистување на случајот.