Полицијата трага по тројца исчезнати малолетници од Скопје
Во три одделни случаи, полицијата добила пријави за исчезнати малолетници и тоа 15-годишно девојче и двајца штиитеници од СОС Детско село и јавна установа за згрижување деца на возраст од 13, односно 16 години.
Ноќеска, во 1.30 часот во Полициската станица Бит Пазар, М.А.(50) од Скопје пријавила дека од домот се оддалечила нејзината ќерка М. А.(15). Се преземаат мерки за пронаоѓање на лицето.
Ден претходно, во 10.30 часот во Полициската станица Карпош, од Јавна установа за згрижување деца било пријавено дека од установата се оддалечил нивниот штитеник Х.С.(16), кој и претходно се оддалечувал и бил враќан назад. Се преземаат мерки за пронаоѓање на лицето.
Во вторникот, во 15 часот во Полициската станица Гази Баба, од СОС Детско село во населба Ченто било пријавено дека од установата се оддалечила нивната штитеничка Ч.Д.(13). Се преземаат мерки за пронаоѓање на лицето.
