Полицијата фати 2,6 тони кокаин скриен во банани
Во пристанишниот регион Санта Марта во северна Колумбија, полициските власти заплениле речиси 2,6 тони кокаин скриен во пратки со банани. Според соопштението на полицијата, одземениот пакет им припаѓал на силите за самоодбрана на Сиера Невада.
Истрагите на колумбиската полиција покажуваат дека кокаинот бил наменет за илегални пазари во Белгија, Шпанија, Франција, Холандија и Португалија. Надлежните преку безбедносни камери се обидуваат да утврдат кој и како го внел товарот во пристаништето.
Во првите три недели од оваа година, колумбиската полиција запленила вкупно над 43 тони кокаин во земјата.
фото архива
