Полицаец од Струмица „измирувал“ тепачи, па си задржал 500 евра за услугата
Полициски службеник од Струмица заработи кривична пријава по брза постапка и отстранување од работното место, откако ја злоупотребил службената положба за да „посредува“ во тепачка, од што си присвоил 500 евра.
Случајот го откри Одделот за внатрешна контрола при Министерството за внатрешни работи (МВР), кој до Основното јавно обвинителство за гонење организиран криминал и корупција (ОЈО ГОКК) поднесе кривична пријава против полицаецот К.Ш.
Инцидентот се случил на 11 април 2026 година, околу 09:00 часот наутро.
Поради основано сомнение дека сторил кривично дело „злоупотреба на службена должност и овластување“, судија на претходна постапка веќе му одредил мерки на претпазливост на пријавениот К.Ш.
Од МВР најавија и строги интерни санкции. Против него ќе биде поведена постапка за кршење на работниот ред и дисциплина, а веќе е изречена задолжителна мерка – отстранување од работното место до завршување на целосната постапка.
