Покачување на водостојот во неколку реки низ Македонија
Денеска се забележува покачување на нивото на водата во неколку реки низ земјата. Особено зголемено ниво има кај реката Вардар, во региите Јегуновце и Демир Капија. Исто така, покачување се регистрира и кај Треска кај Македонски Брод, Пчиња кај Катлановска Бања, Црна Река кај Новаци и Сатеска кај Ботун, соопшти Управата за хидрометеоролошки работи (УХМР).
Сепак, не сите реки бележат раст. Нивото на Брегалница кај Берово и Црн Дрим кај Ложани е под просекот за ноември и продолжува да бележи опаѓање.
Податоците од УХМР покажуваат дека нивото на водата во Дојранското, Преспанското и Охридското Езеро останува стабилно и се движи во рамките на просечните вредности за месецот.
