Поднесе оставка од потпретседателка, денеска ја избраа за нова претседателка на Форумот на жени на СДСМ

Поранешната министерка за животна средина, Каја Шукова, е новата претседателка на Форумот на жени на Социјалдемократскиот сојуз на Македонија (СДСМ). Одлуката беше донесена на денешната седница на Извршниот одбор на партијата.

Како што информираат од СДСМ, изборот на Шукова доаѓа по директен предлог на претседателот на партијата, д-р Венко Филипче.

Шукова е долгогодишен член на СДСМ и поранешен носител на високи државни функции, вклучително и позицијата министер за животна средина и просторно планирање во претходната влада.