„Поддршка кога е најпотребно“ – Пекабеско со донација за македонските пожарникари
Компанијата Пекабеско донираше повеќе од 3.000 шишиња вода и илјадници производи од сопственото производство за потребите на професионалните пожарникари, кои и овој летен период се соочуваат со зголемен број интервенции на терен, во екстремно тешки услови и на високи температури.
Донацијата, која содржи 3.360 шишиња вода, 5.432 паштети и 1.016 парчиња нарезоци, е директен одговор на барањето доставено од Синдикалната организација на професионални пожарникари, кои побараа поддршка во вид на храна и пијалаци за време на нивните долготрајни и ризични интервенции.
„Во вакви моменти, кога пожарникарите се на терен борејќи се со огнените стихии и ризикуваат за да спасат животи и имоти, сметаме дека е наша должност да покажеме солидарност и благодарност. Оваа донација е мал гест на голема почит кон нивната пожртвуваност,“ изјави Слободан Кутревски, прв извршен директор на Пекабеско, македонска компанија со 45-годишна традиција.
Од Синдикатот на професионални пожарникари упатија јавна благодарност до менаџментот и вработените на Пекабеско.
„Во услови кога секоја капка вода и секој оброк значат многу за пожарникарите кои се на терен со часови, ваквата поддршка не само што е добредојдена, таа е и мотив повеќе. Благодарност до Пекабеско што покажа дека стои зад оние кои се на првата линија во справување со катастрофи“, изјави Филип Стојков, претседател на Синдикалната организација на професионални пожарникари.
Овие активности се само дел од постојана грижа за заедницата на Пекабеско покажувајќи општествена свесност, но и колку високо ја цени поддршката која ја ужива на македонскиот и извозните пазари. Оваа македонска компанија перманентно ја зајакнува и својата општествено-одговорна компонента, гради партнерства, давајќи придонес и поддршка на многубројни културни, спортски, младински и хуманистички активности.
