Почнува изплатата на финансиска помош за семејствата на загинатите во трагедијата во Кочани – стабилна состојбата на повредените, 5 се критично!
Денеска почнува исплатата на финансиската поддршка од собраните донации на семејствата на загинатите и повредените, во износ од по 150 000 денари.
Досега се собрани околу 51.822.579 денари преку Црвениот крст од каде треба да ги соопштат преземаните активности и начинот на исплатата.
Во критична состојба се 5 пациенти од вкупно 115 лица кои се на лекување во странство.
Министерот за здравство Арбен Таравари најави протокол според кој се очекува в среда или четврток да бидат пречекани првите пет пациенти кои што се лекуваат надвор од државата.
Според последните информации од Министерството за здравство, во критична состојба се пет од вкупно 115 лица кои се на лекување во странство, а според министерот Арбен Таравари, подготвен е протокол според кој се очекува в среда или четврток да бидат пречекани првите пет пациенти кои што се лекуваат надвор од државата.
Во Македонија пациентите кои се лекуваа се во стабилна и добра состојба, а се планира неколку да бидат испишани, откако ќе им бидат направени сите токсиколошки и психолошки испитувања.
Во тек е и активна истрага за пожарот. Осомничени се вкупно 34 лица.
Поднесени се две кривични пријави против 34 физички и три правни лица, за кривично дело „тешки дела против општата сигурност“ по член 292 во врска со „предизвикување општа опасност“ по член 288 од Кривичниот законик. Едно лице е пријавено и за „примање поткуп“ по член 357 од КЗ.
По 30-девниот притвор за седумте полициски службеници од СВР Штип и ПСОН Кочани, а како што информираа претходно од Основниот суд Кочани таква мерка е определена за сите 24 лица за кои имаше барање од Основното Јавно обвинителство.
Меѓу 24. лица за кои е одреден притвор се поранешниот министер за економија Крешник Бекштеши, но и тројцата градоначалници на Кочани и тоа градоначалникот во оставка Љупчо Папазов, како и поранешните Ратко Димитровски и Николчо Илијев.
