ПОЧНА ЛИ ДА СЕ „ЛАДИ“ ЦЕНАТА НА СТАНОВИТЕ – во Србија нагло поевтини квадратот во Нови Сад, дали е тоа сигнал и за Белгард
Дали почнаа да се ладат цените нна становите во Србија, е прашање што се поставува откако се појавија такви сигнали на тамошниот пазар.
Српски Блиц.бизнис пишува дека иако долго се чекало, сепак, се чини дека почна да паѓа цената на станбениот квадрат. Официјалните податоци покажуваат дека Нови Сад го првиот чекор, и дали ова е сигнал за Белград и за остатокот од Србија.
Изненадувањето дојде во јануари, кога во Нови Сад падна цената на метар квадратен. Што се случи за да се издвои оваа локација од останатите?
Милиќ Ѓоковиќ, проценител и експерт за недвижности, за „Блиц Бизнис“ вели дека падот на цената на просечниот метар квадратен во центарот на Нови Сад не е нешто што треба да изненадува, туку дека било очекувано, имајќи предвид дека цените во претходните месеци на оваа локација растеле со голема брзина.
– Ова беше очекувано. Имајќи предвид дека оваа локација забележа најголем раст во претходниот период, сосема е нормално дека по одредено време, по големото зголемување на цените на недвижностите, има ненадеен пад. Тоа е многу можно и сигурно ќе се случи во наредниот период и во другите општини – објаснува Ѓоковиќ.
Тој посочува дека во наредниот период истото може да го очекуваме и во другите општини, каде скокот беше значително поголем, но и во општините каде имаше помал сообраќај во последните месеци, како што се белградските општини Врачар и Савски Венац, но тој забележува дека тоа не е правило.
– Пад може да се случи на локации каде имало голем раст, но и помал сообраќај, но ние немаме правила по тоа прашање. Причината е што кај нас нема линеарност кога се во прашање цените на квадратите. Кај нас бројките значително се разликуваат од општина до општина и воопшто нема генерализација, како што се гледа во пракса – вели тој.
Трендот на раст продолжува
Извештајот на порталот Некретнине.рс покажува дека на почетокот на оваа година во сите поголеми градови и општини, освен во центарот на Нови Сад, е забележан пораст на цената на квадратот. Гледајќи го процентот, тој раст значително флуктуираше, не само од град до град, туку и низ општините. Иако многумина кои планираат да купат недвижнини влегоа во новата година со голем ентузијазам дека цените наскоро би можеле да се намалат, експертите велат дека тоа нема да се случи. Напротив, се прогнозира дека цените ќе продолжат да растат.
