ПОЧИНА ПОЗНАТ МУЗИЧАР СО НЕОБИЧНА СУДБИНА: Не знаел дека е популарен, а за неговата смрт имаше разни приказни
Легендарниот пејач од Детроит Сиксто Родригез почина на 81-годишна возраст, објави неговата официјална веб-страница. Родригез беше инспирација за документарниот филм, добитник на Оскар во 2012 година, Finding Sugarman, кој следеше двајца негови јужноафрикански фанови додека се обидуваа да откријат дали гласините за смртта на Родригез се вистинити.
Сиксто Дијаз Родригез, како што беше неговото полно име, беше роден во Детроит. Неговата рана кариера беше кратка, со само два слабо продадени албуми во раните седумдесетти и две австралиски турнеи. Меѓутоа, во Јужна Африка тој беше многу полуламарен без да го знае тоа. За време на апартхејдот, неговите стихови беа туѓи за тамошното население, кое беше под целосна цензура на медиумите, а тоа им се допадна бидејќи Родригез пееше и против општеството, кое во тоа време, во Јужна Африка, трпеше големи критики од населението.
Во Јужна Африка бил попопуларен дури и од Елвис Присли, а набрзо се проширила приказната дека нивниот идол се самоубил и дека на неговиот концерт пред публика извадил пиштол и си пукал во глава. Имаше и гласини дека се полил со бензин и се запалил на бината. Во тоа време беше невозможно да се добијат информации од Америка, особено за сосема непознат тамошен музичар.
Вториот дел од неговата кариера започнува во 1997 година кога група обожаватели одлучува да го истражи самоубиството на Родригез и наидува на изненадувачки информации дека тој е жив, што доведува до неочекувана обнова на неговата кариера.
Неговата турнеја низ Јужна Африка во 2013 година се распродаде за неколку минути, а тој настапи пред 40.000 фанови на девет концерти во Кејптаун и Јоханесбург, пишува News24. Неговата приказна за неостварената слава се смета за една од најуникатните вистинити приказни, а поголемиот дел од својот живот го поминал во родниот Детроит, каде што работел во градежништвото и индустријата.
