Почина хрватска водителка по Тик Ток предизвик
Почина познатата хрватска водителка Слаѓа Петрушиќ. Тажната вест за нејзината смрт беше објавена на нејзиниот Инстаграм.
-Со тага соопштуваме дека нашата Слаѓа синоќа не остави и отиде во подобар свет. Таа ќе биде кремирана, а пепелта ќе се расфрла во шумата затоа што шумата била нејзиниот живот и ќе живее вечно. Семејството Петрушиќ! Ги замолуваме новинарите да не ни се јавуваат затоа што никогаш не сме биле дел од јавниот живот, а тоа било желба и на Слаѓа, па да ја почитуваме. Ви благодариме за разбирањето!
Како што пишува на Инстаграм, откако самоиницијативно ја напуштила болницата, нешто по 12 часот состојбата и се влошила и, според пишувањата на медиумите, итно била хоспитализирана по срцев застој.
Медиумите јавуваат дека е направен обид и за реанимација. Според извештаите, таа имала уште еден срцев удар околу 20 часот, а реанимацијата и обидот за нејзино оживување кој траел околу половина час не успеал.
Слаѓана беше хоспитализирана пред два дена откако доживеа несреќа додека снимаше видео за TikTok. Предизвикот кој го прифати се покажа како преголем за неа и таа заврши со повреди.
