ПОЧИНА ЕДЕН ОД НАЈБОГАТИТЕ ХРВАТИ: Му се слошило на плажа, не стасал до болница, годишно заработувал 500 милиони евра

Хрватскиот бизнисмен Ивица Пивац (71) почина во понеделникот откако му се слошило на плажа.

Според хрватските медиуми, косопственикот и претседател на одборот на директори на Групацијата Пивац починал на пат кон болницата во Сплит.

– На Ивица му се слошило на плажата каде што се обиделе да го реанимираат, но за жал починал на пат кон КБЦ во Сплит – соопштија од Здружението Завојане.

Приказната за месната индустрија Браќа Пивац започнува во малиот град Вргорац во далматинската Загора во 1952 година.

– Започнавме како мала семејна продавница базирана на традицијата на преработка и сушење месо, а со зачувување на традиционалниот рецепт и квалитет, слушајќи ги потребите на пазарот и користејќи нови технологии, прераснавме во една од водечките месни индустрии во Хрватска – пишува на сајтот на Група Пивац.

„Јутарњи“ наведува дека семејниот бизнис започнал во раните осумдесетти години кога нивната месарница во Вргорац била откриена од ресторани и хотелиери на „Макарска“.

Пивац имаше 250 продавници само низ цела Хрватска.

Ивица раководеше со компанијата подеднакво со браќата Тончи и Невен. На чело на компанијата бил Ивица, агроном кој имал успешна кариера и како комерцијален директор во винаријата Вргорачка. Најстариот брат Тончи со децении купувал добиток на панаѓури кај татко му. На тие патувања често го придружувал и најмладиот брат Невен. Тончи почина во 2019 година на 70-годишна возраст.

Месната индустрија Браќа Пивац вклучува голем број поголеми и помали компании. Тие се мнозински сопственици на Краш и имаат голем пакет акции во Подравка. Освен во прехранбената индустрија, тие инвестираат и во хотелиерството и се сопственици на хотели во Макарска и хотели и хостели во Дубровник.

Хрватските медиуми јавуваат дека месната индустрија Браќе Пивац имала годишен приход од 500 милиони евра.