Почина Бојан Милковски од Штип – момчето за кого цела Македонија собираше помош

Со голема тага и болка, денес беше споделена веста дека по кратко и тешко боледување, згасна животот на Бојан Милковски од Штип, момчето за кое во изминатиот период се организираа бројни хуманитарни акции и донации.

Бојан, роден во 2002 година, се бореше со сериозна здравствена состојба и беше на лекување во приватна болница во Скопје. За продолжување на третманот беа потребни околу 20 илјади евра, а бројни граѓани, кафулиња и организации низ земјата се вклучија во акцијата за собирање средства.

За жал, и покрај сите напори, Бојан ја загуби битката со болеста.

Пријателите и сограѓаните се простуваат од него со пораки полни љубов и благодарност, споделувајќи спомени за неговата добрина и насмевка која сите ја паметат.