По предупредувањето дека војната може да започне во Шведска, младите ја „преплавија“ линијата за помош
Шведските одбранбени претставници се најдоа на удар на критики бидејќи нивните пораки во кои предупредуваат дека може да има војна со Русија предизвикаа голема загриженост кај младите, пишува британски Телеграф.
Весникот наведува дека телефонското советувалиште за деца и млади е преплавено со повици, откако на ТиК Ток беше објавено предупредување за „вооружен напад“ од Русија.
Брајс, организација за правата на децата која обезбедува поддршка и совети за млади луѓе со проблеми со менталното здравје или кои се занимаваат со тинејџерска бременост, пријави зголемување на повиците по видео снимките од високи воени личности кои предупредуваат за можноста од војна, кои се шират на Тик Ток.
Карл-Оскар Болин, министерот за цивилна одбрана, на конференцијата Folk och Försvars во саботата изјави дека „може да има војна во Шведска“.
„Дали сте размислувале, дали имате време да се приклучите на доброволна организација за одбрана? Ако не: движете се“, рече тој.
Се очекува Шведска да се приклучи на НАТО во јули, со што ќе стави крај на повеќе од два века неутралност и ќе доведе до промена во националната психа кон поголема милитаризација.
Шведската влада се обврза да ја исполни целта на НАТО и да одвои два отсто од БДП за одбраната до крајот на оваа година, што е двојно повеќе од 2020 година.
„Требаше да им дадат посебен совет на децата“
Маја Дал, портпаролка на Брис, смета дека Болин требало да размисли како младите ќе ги толкуваат неговите „добро подготвени“ изјави.
„Требаше да стават информации специјално за младите кога ќе излезат со ваков вид на информации за возрасни“, рече таа за Би-Би-Си.
