По пожарот во Трубарево измерени високи концентрации на штетни материи – моменталниот квалитет во рамки на дозволените граници
Министерството за животна средина и просторно планирање информира дека беа спроведени мерења на квалитетот на воздухот во Трубарево во два различни периода:
Тековни резултати (18–19 септември 2025):
Моментално нема надминување на граничните вредности, концентрациите на PM₁₀ се во рамките на дозволените граници за заштита на здравјето на луѓето.
Резултати од пожарот (13–14 септември 2025):
По пожарот е регистрирано значително надминување на дозволените граници за PM₁₀, олово, кадмиум и арсен, беа измерени високи концентрации на честички и тешки метали, но тековните мерења покажуваат дека состојбата на воздухот е стабилизирана и во рамките на дозволените граници.
Министерството и Државниот инспекторат ќе продолжат со редовен мониторинг и навремено информирање на јавноста.
