ПО ПОСЕТАТА НА ВУЧИЌ НА МОСКВА: Социјалдемократите повикуваат ЕУ да преземе мерки
Пристигнаа првите реакции од Европа за посетата на српскиот претседател Александар Вучиќ во Москва.
Социјалдемократите од Европа испратија повик до највисоките официјални лица на Европската унија да реагираат на посетата на претседателот на Србија во Москва.
„Рековте дека ќе има последици, делувајте сега”, пишува во нивното соопштение.
Според портпаролот на Кремљ, Дмитриј Песков, доаѓањето на српскиот претседател Александар Вучиќ и словачкиот премиер Роберт Фицо во Москва за да ја прослават 80-годишнината од победата над фашизмот и нацизмот е херојски чин.
Шефот на делегацијата на Европската Унија во Србија, Емануел Жофре на 9 мај изјави дека геостратешката посветеност на Србија треба јасно да биде насочена кон Унијата и дека денеска „таа треба да биде во Украина, а не во Москва“.
Министрите за надворешни работи на европските земји и високата претставничка на ЕУ, Каја Калас, се во посета на Украина на Денот на Европа, објавија денеска Калас и украинскиот премиер Денис Шмихал на социјалните мрежи.
фото принтскрин
