ПО НАЈАВАТА НА ТРАМП ДЕКА ЌЕ СЕ СРЕТНЕ СО ПУТИН: Се зголеми вредноста на еврото
Вредноста на еврото денеска се зголеми на највисоко ниво во последните две недели поради оптимизмот за решавање на конфликтот во Украина, а европските берзански индекси генерално се во пораст. Истото се случува и со цените на златото и пченицата.
Претседателот на Соединетите Американски Држава(САД), Доналд Трамп најави дека ќе се сретне со рускиот претседател Владимир Путин во Саудиска Арабија и дека веднаш ќе започне преговори со Москва, пишува „Трејдинг економикс“.
Индексот на Франкфуртската берза DAX во 9:30 часот порасна на 22.323,50 поени, францускиот CAC 40 на 8.101,56 поени, московскиот MOEX на 3.176,02 поени, додека британскиот FTSE 100 падна на 8.758,40 поени.
Цените на акциите пораснаа на европските берзи во четвртокот претпладнето, бидејќи инвеститорите се надеваат дека иницијативата на Трамп наскоро ќе доведе до крај на војната меѓу Русија и Украина. Tрамп кажа дека загинале многу луѓе и дека војната мора да заврши. Руската инвазија на Украина почна на 24 февруари 2022 година.
foto freepik.com
