ПО КУПУВАЊЕТО НА АКЦИИТЕ, САМСОНЕНКО СЕГА ИМА 19,86 ОТСТО – „Жито Полог“ ги објави промените во акционерската структура
Компанијата Жито Полог се огласи во врска со промените во нејзината акционерска структура.
„Ве известуваме за следнава ценовно чувствителна информација:
– Акционерот Сергеј Самсоненко се стекна со 2.469
обични акции со право на
глас издадени од Жито Полог АД Тетово
и сега поседува вкупно 11.119 обични акции со право
на глас издадени од Жито Полог АД Тетово, што претставува 19,86 отсто од вкупниот број
на издадени акции на друштвото.
-Акционерот Златко Пирузе
продаде 6.417 обични акции со
право на глас издадени од Жито Полог АД
Тетово и во моментот на давањето на овој извештај нема во сопственост обични
акции издадени од Жито Полог АД Тетово
-Друштвото за реклама, маркетинг, трговија и услуги ЛИД КОМЈУНИКЕЈШНС ДОО Скопје се стекна во
сопственост со 6.417 обични акции со
право на глас издадени од Жито Полог АД
Тетово , што претставува 11,46 отсто од вкупниот број на издадени акции на друштвото.
-Акционерот Друштво
за трговија , производство и услуги АС СЕЊАК увоз-извоз СЕЛАУДИН АРИФИ ДООЕЛ
продаде 2.469 обични
акции со право на глас издадени
од Жито Полог АД Тетово и сега поседува
вкупно 7.679 обични акции со право на глас издадени од Жито Полог АД Тетово,
што претставува 13,71 отсто од вкупниот број на издадени акции на друштвото“, се вели во објавата од компанијата која преку Берзата е испратена до инвеститорската јавност.
Како што веќе пишуваше Фактор, минатата недела преку берзанска блок трансакција беа продадени 15,9 проценти од акциите на „Жито полог“ од Тетово. Сумата која беше платена е 328 илјади евра.
„Жито полог“ е компанија со основна дејност производство на мелнички и пекарски производи, тестенини и јајца. Поседува сместувачки капацитети за житни култури, има сопствена малопродажна мрежа и специјализиран погон за добиточна храна за задоволување на потребите на сопствената живинарска фарма.
Н.Н.Ф.
