По Челси и Јунајтед и Ливерпул се приклучи во битката за Виктор Осимен

Според неколку медиуми, „црвените“ го сакаат Осимен како засилување, иако веќе е преполна офанзивата на тимот, но наводно на „Енфилд“ летово ќе има потемелна реконструкција според најавите меѓу кои и продажба на Мохамед Салах и Роберто Фирмино со цел да се соберат пари за други засилувања, ама да се направи и простор за Осимен.

Нигериецот на Наполи има 17 гола на 18 меча за наполитанците сезонава, а шест меча по ред постигнува гол откако почна 2023 година и со настапите веќе го сврте вниманието кон себе на гигантите. Но, за да го донесе некој од премиерлигашките гиганти, ќе треба добро да го искешираат Наполи, зашто Аурелио Де Лаурентис, првиот човек на клубот веќе најави дека нема намера никого да продава зашто клубот има нула евра долг.

Ова значи дека без 100 милиони евра, а и повеќе нема шанси Наполи да прифати трансфер, но во Англија се надеваат дека освојувањето на „скудетото“ многу полесно би донело трансфер.