Пленковиќ: Милановиќ „не е ѕвезда само во руските туку и во српските медиуми“
Никој не го анектирал Косово, тоа е независна држава, вели хрватскиот премиер Андреј Пленковиќ.
Пленковиќ изјави дека „е важно тоа што Косово е независна држава со која Хрватска има дипломатски односи“.
„Она што е важно е дека Косово е независна држава со која имаме дипломатски односи, дека нашиот министер (за стопанство и одржлив развој Давор) Филиповиќ беше на Косово, дека со него беа 50-тина наши бизнисмени“, кажа Пленковиќ.
Тој вели дека Милановиќ „не е ѕвезда само во руските туку и во српските медиуми“.
Хрватскиот претседател Милановиќ кажа дека меѓународната заедница „го анектирала Косово“. За војната во Украина кажа дека Украинците повеќе ги мразат Русите отколку што Хрватите ги мразеле Србите за време на војната и дека не се споредуваат Србите кои се побуниле во Хрватска со светската нуклеарна суперсила Русија. Вели дека Русија е опасна земја и дека тоа никој не го разбира. Тој и претходно го бранеше рускиот претседател Владимир Путин и не сакаше Хрватска да обучува украински војници. Западот сега нуди француско – германски предлог за затворање на прашањето со Косово.
фото ЕПА
