ПЛАТЕНИ СЕ 45 ИЛЈАДИ ЕВРА ЗА 27 АКЦИИ НА „РЕПЛЕК“ – кој е инвеститорот во фармацевтската компанија

Преку блок трансакција на Берзата вчера се продадени 27 акции на фармацевтската компанија „Реплек“, за вкупна сума од над 45 илјади евра.

Цената која купувачот ја платил за една акција е 103.250 денари, додека, пак, на последното тргување на редовниот пазар кое се случило на 27 март, акциите  се продавале по цена од 103.581 денари, што значи дека на блок трансакцијата постигнатата цена е нешто пониска од онаа што последно се постигнала на редовниот пазар.

Со оглед што компанијата засега има издадено вкупно 25.920 акции, поминатиот пакет од 27 акции е мал и претставува 0,1 отсто од целосната акционерска структура на компанијата.

Купувачот на овие 27 акции засега не е познат, но факт е дека „Реплек“ е многу транспарентна компанија и известува дури и за најмала сопственичка промена доколку таа е поврзана со некој од нејзините поголеми акционери, или, пак, членови на Управниот или Надзорниот орган на компанијата.  

Н.Н.Ф.