Писториус: Путин сака да ја дестабилизира Германија
Германскиот министер за одбрана Борис Писториус го обвини рускиот претседател Владимир Путин дека сака да ја „дестабилизира“ земјата, по пренесувањето на видео од Русија од доверлива размена меѓу германски офицери за испорака на оружје во Украина.
„Едноставно се работи за користење на видеото за дестабилизација и поткопување на единството на Германија“, им рече Писториус на новинарите во Берлин.
Според него, јасно е дека се работи за создавање политички поделби на внатрешно ниво во Германија.
„Искрено се надевам дека Путин нема да успее и дека ќе останеме обединети“, додаде германскиот министер.
На социјалните мрежи од Русија во петокот беше објавена аудио снимка од видео-конференција на германски високи офицери.
Во тој разговор конкретно се разгледуваше хипотезата за испорака на ракети со долг дострел Таурус од германско производство во Киев.
Германското Министерство за одбрана во саботата потврди дека видеото е автентична и дека е „пресретнато“.
Содржината на видеото доаѓа во незгодно време за Германија, бидејќи Берлин официјално одбива да го снабди Киев со ракетите Таурус, наведувајќи го ризикот од ескалација на војната.
