Петровска во Пентагон на средба со секретарот за одбрана на САД, за што се разговараше? Одговара министерката од Вашингтон

Министерката за одбрана Славјанка Петровска е во работна посета на Пентагон каде се сретна со секретарот за одбрана на САД, Лојд Остин.

За тоа што се разговарало на оваа средба во интервју за ТВ21 директно од Вашингтон ни одговори токму министерката Петровска.

Таа вели дека ова било важна средба со оглед на тоа дека се работи за две земји кои имаат исклучително голема традиција во своите односи, особено во делот на соработката во одбраната.

„Република Северна Македонија и САД се стратешки партнери и навистина низ сите овие години, од самостојноста па до денес, се голем поддржувач и помагач“, вели Петровска.

Министерката истакна дека се разговарало за претстојниот Самит на НАТО кој ќе се случува следниот месец.

„Зборувавме и за состојбата во Западниот Балкан, од аспект на безбедноста. И се разбира зборувавме за понатамошната соработка во делот на модернизација на македонската армија, процес кој е веќе започнат и се одвива со одредена динамика“, порача Петровска за ТВ21.