Петровска: Украина бара од нас нова помош, имаме морална обврска да помогнеме
Министерката за одбрана Славјанка Петровска денеска во летното издание на дебатниот магазин „Click Plus“ на ТВ21 истакна дека Украина бара нова помош.
Според неа, ние имаме морална обврска да им помогнеме.
„Поддршката за Украина ќе продолжи се додека таа е потребна, пред се политичката поддршка која е неспорна и која се обидуваме на секој можен начин да ја апострофираме, меѓутоа исто така и воената помош и поддршка“, вели Петровска.
Таа додава дека има ново барање кое е доставено и во моментов е на анализа во Генералштабот на Армијата.
„Кога ќе стигне до мене јас ќе ја предложам таквата соодветна одлука и до Владата ако е таа позитивна да биде усвоена. Навистина е многу важно, очекувањата за Украина можеби беа големи, меѓтоа она што е приоритет, и на нас и на сите сојузници, е да и помогнеме на Украина да го помине овој тежок период“, вели Петровска.
