Петровска го доби Ковачки на суд, вели се откажала од надомест бидејќи од нечесник пари не сака
Министерката за одбрана Славјанка Петровска објави пресуда на својот Фејсбук за судењето со пратеникот Драган Ковачки.
Таа вели дека го добила Ковачки на суд, но се откажала од надомест бидејќи „пари од нечесни не сака“
„Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста. Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: “Пари од нечесник не сакам” и Ве известувам дека се откажав од паричниот надомест. Секој го прави тоа што најдобро го знае, тие со лагите, јас со труд и одговорна и чесна работа“, напиша Петровска.
