ПЕТРЕ ШИЛЕГОВ ПОБАРА ОСТАВКА ОД „ПРЕТСЕДАТЕЛОТ“ НА СДСМ На Филипче му порача – или си СДСМ или си тезгарош!
Петре Шилегов, поранешен градоначалник на Скопје и член на раководството на СДСМ, со пост на Фејсбук побара оставка од „претседателот“ на СДСМ Венко Филипче.
Шилегов прво објави пост со следната содржина:
„Македонското законодавство познава убиство од небрежност.
Познава и убиство со умисла, но не познава (само)убиство со умисла!!!
Или тешка Ви е одговорноста ?
Или Ви тежи договорот?
Или си СДСМ или си тезгарош!!!
М?
Прашањата ќе ги поставиме после празниците. Да не се разводиме во меѓувреме. Демек, добар ви е тајмингот. Нова Година, Божиќ, ќе се заборави…“
Откако, како што вели, многумина не ги разбрале пораките во неговиот пост и добил повеќе од 50 телефонски повици за 7 минути, со нов пост на Фејсбук, Петре Шилегов прецизираше:
„Да!!! Барам оставка на ‘претседателот’ на СДСМ!!!“
.
