Петмина скијачи загинаа во снежните лавини на француските Алпи

Петмина скијачи загинаа во две одвоени снежни лавини на француските Алпи, потврдија денеска локалните власти.

Четворица норвешки скијачи загинаа во лавина во Вал-Сенис, во југоисточниот регион Савоја, додека еден швајцарски скијач загина на север во регионот Горна Савоја, во близина на Шамони, јавува Би-Би-Си.

Тројца Норвежани починале на лице место, додека една жена починала во блиската болница поради хипотермија и кардиореспираторен застој.

Тие биле дел од поголема група од седум скијачи, од кои тројца не биле повредени.