Перез донел одлука – Раул го наследува Анчелоти на клупата на Реал Мадрид!
Според информациите од Мадрир, Перез не е најзадоволен од Анчелоти сезонава, а шанса за Италијанецот да остане е да освои важни трофеи, но во Ла Лига е сериозен заостатокот и ако викендов го загуби „ел класико“, титулата веќе извесно ќе се пресели во Каталонија, додека во ЛШ, четвртфиналето е близу, но допрва следува пеколот за да се одбрани трофејот од мај лани.
Во изминатиов период неколку имиња се појавија како опции за наследник на Анчелоти, кога Италијанецот ќе си замине, од Чаби Алонсо, Микел Артета, кам-бек на Зинедин Зидан, па и Жозе Мурињо, но на крај Перез пресекол за Раул да ја добие довербата. Раул е легенда на Реал за кој играше од 1994 година до 2010 година има 741 настап и 323 гола, а од 2018 година е тренер во младинските категории на Реал, а една година подоцна е дел од РМ Кастилја, вториот тим на „кралевите“.
Перез верува дека со Раул ќе го има истиот успех како пред шест години со Зидан, кој од спортски директор, без ден тренерско искуство стана кормилар на првиот тим и донесе три европски титули по ред, а и два пехари во Ла Лига во двата мандати.
