ПЕНЗИОНЕРИТЕ СО ПРОТЕСТ ПРЕД УСТАВНИОТ СУД ЌЕ СИ ГИ БРАНАТ ЗГОЛЕМЕНИТЕ ПЕНЗИИ Ќе ѝ порачаат на Кацарска дека им е доста од дискриминација
Пензионерите во понеделник ќе протестираат пред Уставениот суд.
Пенизонерите денеска од Штип порачаа дека во понеделник на 1 декември пензионерите од целата државата ќе протестираат пред Уставниот суд, кој почна постапка за оценка на линеарниот раст на пензиите. Целта на протестот е да продолжи линеарното покачување.
Тие на денешната прес-конференција повикаа на масовност, со цел заеднички да се изборат за нивните права.
– Во понеделник во 11 часот пред Уставен суд во Скопје ќе протестираме, од цела Македонија – изјави пензионерот Зоран Трајков.
Трајче Станојков пензионер од Свети Николе најави ако во понеделник протестот не вроди со плод, веќе на 10 декември продолжуваат со протести, бидејќи не се откажуваат од нивните барања. Тој додаде дека освен линеарното усогласување на пензиите ќе бараат и К-15, покачување на посмртнината, како и воведување на пензионерска картичка.
Пензионерот од Штип, Трајче Митев вели дека имаат и конкретни барања.
– Ќе се бориме за покачување на посмртннината од 35.000 на 50.000 денари. Ќе создадеме фронт да се воведе пензионерската картичка – вели Митев.
Во Штип денеска се собраа пензионерите од Штип, Свети Николе, Скопје и од Куманово.
– Сите ќе се залагаме да дојдеме во Скопје, за да кажеме дека е доста дискриминација. Ние бараме да земеме линеарно покажување на пензиите – вели пензиионерката Вера Јовановска.
Пензионерите најпрво добија линеаро покачување на пензиите од 5.000 денари. Во септември добија покачување од 1.000 денари, а во март наредната година треба да има ново линеарно усогласување за уште 1.000 денари.
Уставната судијка Добрила Кацарска, на своја иницијатива го оспори последното линеарно зголемување, како неуставно. Минатата година, кога почна линеарното зголемување на пензиите, таа не виде повреда на Уставот и не покрена никаква иницијатива.
.
