Пендаровски: Украина е веќе морален победник во војната

Нема дилеми дека Украина е веќе морален победник во овој конфликт бидејќи успеа зад својата кауза да го обедини демократскиот свет кој покажа невидена солидарност и поддршка во спротиставување на газењето на човековите права и посегнување по слободата на другиот. Единството на деморкатскиот свет и натамошната поддршка за Украина е исто толку важна колку и решеноста на украинскиот народ да ја извојува победата.

Ова е дел од обраќањето на претседателот Стево Пендаровски од Домот на АРМ каде што денеска се одржува настан под слоганот „Украина – година на хероизмот“, по повод годишнината од руската инвазија.

Во војна меѓу минатото и просперитетот, демократскиот свет нема право на пораз, рече тој и додаде дека не постои никаква дилема оти руската агресија е војна на една диктатура против една демократија.