Пендаровски не знае дали уште има поддршка од СДСМ: Далеку побитна ми е поддршката од граѓаните!
Не знам дали имам поддршка. Ова беше одговорот на претседателот Стево Пендаровски вечерва во интервју за Сител на прашањето, дали се уште има поддршка од коалицијата која го поддржа при неговиот избор во 2019 година.
„Битна ми е поддршката од таа коалција која и во 2014 година ми ја даде поддршкат, паметите не само во 2019 година. Но, далеку ми е побитна поддршката од граѓаните. Ако ја немам, нема да размислувам во таа насока, ако ја имам можам да размислувам, се разбира со политичките субјекти кои би ме поддржале“, додаде Пендаровски.
Го коментираше и моментот за заедничко и одделно одржување на парламентарните и претседателските избори.
„Бидејќи сум актуелен претседател и ќе речат дека имам некаков личен интерес за тоа и затоа нема да ви одговорам на прашањето“, рече Пендаровски.
Пендаровски вели дека според уставните рокови парламентарните и претседателските избори вгодина не се врзани.
„Претседателските избори, здравје мора да се одржат до април месец вгодина, бидејќи на 12-ти мај завршува мандатот на претседателот. Ако немаме нов претседател на 12-ти мај, претседателот на Собранието ќе биде в.д претседател на државата. Крајот на јули беа верификувани мандатите, беше конституиран парламентот, откако се бројат тие нивни 4 години пратенички да ги наречам, така што постои разлика од неколку месеци“, изјави Пендаровски.
