Пелистер по двете по ред стартни елиминации конечно е во полуфинале!
Зонската одбрана комбинирана со зонски пресинг на битолчани во последната четвртина ептен ги збуни кавадарчани, па со серија 18-2 дојдоа дури и до двоцифрена предност (79-68) доволна за трет пласман меѓу четирите најдобри во клупската историја. Избраниците на тренерот Горан Самарџиев долго ќе жалат за пропуштената шанса, со оглед што беа подобар повеќе од три четвртини, а во еден момент имаа и дури плус 11 (31-20).
Кени Карпентер со 22 поени беше најефикасен кај зелено-белите, а веднаш зад него беа Димитар Караџовски со 20 поени и Андреј Маслинко, кој на реализираните 16 поени имаше и дури седум блокади.
Ривал на Пелистер за втор пласман во големото финале ќе биде дебитантот во ова друштво, екипата на Феникс, која претходно по голема драма го совлада Гостивар.
