Пелистер лесно ја реши Академија ФМП, Феникс подобар од Струмица

Битолскиот тим по првата четвртина имаше водство од 22-18, а до полувреме стигна до 38-28. Академија ФМП се обидуваше да ја намали негативата и тоа конечно им успеа во третата четвртина (54-62), меѓутоа Пелистер не дозволи пресврт и славеше со 81-67.

Карпентер со 16 поени беше најефикасен во екипата на Пелистер, додека Меквен постигна 20 поени за Академија ФМП.

Струмица немаше сила да го изненади Феникс, кој уште по воведните 10 минути стигна до предност од 30-11 и до крајот на дуелот постојано имаше стабилна предност.

Бојан Трајковски постигна 30 поени за Феникс, додека Крстајиќ со 16 поени беше најдобар кај Струмица.