Пелистер без проблеми го реши Пролет за финале во Купот
Ракометарите на битолскиот тим имаа водство од самиот почеток кое до 10. минута достигна четири разлика (6-2). Пролет не можеше да му парира на Пелистер, па како минуваше времето така разликата меѓу тимовите се зголемуваше до 17-10 на паузата.
Пролет во вториот дел се обидуваше да ја стопи разликата на Пелистер, но на секој погодок одговараше и битолскиот состав. На средината од второто полувреме предноста на битолчани достигна девет гола (23-14), по што без многу мака го решија ривалот со 28-21.
Најефикасен кај Пелистер беше Кузманоски со седум голови, додека Костески постигна пет, а во редовите на Пролет се истакна Палевски со шест погодоци.
